სამოქალაქო მოძრაობა „სამეგრელოს ხმის“ ცნობით, „ერთიანი ნაციონალური მოძრაობა“ საკუთარი პოლიტიკური მიზნებისთვის გეგმავს დევნილების გამოყენებას. შესაბამისი განცხადება მოძრაობის წარმომადგენლებმა თენგიზ ჯგუშიამ და თეონა ქარდავამ დღეს გამართულ ბრიფინგზე გააკეთეს. თეონა ქარდავას განცხადებით, ხვალ ორგანიზაცია „აფხაზთა კრების“ სახელით ზუგდიდში დაგეგმილია შეხვედრა, რომელიც რეალურად „ნაციონალური მოძრაობის“ თბილისში დაგეგმილი აქციისთვის მოქალაქეთა მობილიზებას ემსახურება. თეონა ქარდავას განცხადებით, „ნაციონალური მოძრაობის“ წარმომადგენლები დადიან დევილთა ჩასახლებებში და მოუწოდებენ მათ 15 ნოემბერს დაგეგმილ შეხვედრაზე მონაწილეობისკენ.