- მედიისთვის გამართულ თემატურ ვებინარზე, ამირან გამყრელიძემ ჟურნალისტებს ღიად მოუწოდა უნდა იყვნენ ორჯერადად აცრილი და ამით მაგალითი მისცენ მოსახლეობას, რომ ისინიც აიცრან.
„აიცრან ჟურნალისტები, გამოცემების სარედაქციო კოლეგიები ეს იქნება დიდი მაგალითი მოსახლეობისთვის. ასევე მოვუწოდებ უმაღლესი სასწავლებლების, სკოლების, საბავშვო ბაღების პედაგოგებს, სექტემბერს ორჯერ აცრილები შეხვდნენ… ასევე, აიცრან რესტორნების თანამშრომლები. უნდა დაიწყოს დიდი მოძრაობა ქვეყანაში, რომ უსაფრთხო გარემო შეიქმნას, რაც ქვეყნის ეკონომიკის თავისუფლებისა და განვითარებისთვის აუცილებელია”.
გამყრელიძე მოუწოდებს სემინარებზე, კონფერენციებზე არ დაუშვან ორჯერ აუცრელი მონაწილეები. „ეს არ გახლავთ ქართული ველოსიპედი, ეს არის მსოფლიოში მიღებული გადაწყვეტილება. ჩვენ მივესალმებით სემინარებს, ტრენინგებს, კონფერენციებს, მაგრამ მკაცრად უნდა გაკონტროლდეს, რომ მისი მონაწილეები ორჯერ იყვნენ აცრილი“.
