დღეს, ზუგდიდის დემოკრატიული ჩართულობის ცენტრში, გაიმართა წიგნის „საქართველო გეოპოლიტიკური ინტერესების გადაკვეთაზე“ პრეზენტაცია. წიგნის ავტორი, ქალაქ ზუგდიდის საკრებულოს წევრი ანა წითლიძე ამბობს, რომ ეს წიგნი განსაკუთრებით ახალგაზრდა მკითხველზეა გათვლილი . წიგნში საუბარია საქართველოს გეოპოლიტიკურ ურთიერთობებზე. „ამ წიგნის წაკითხვით უნდა მიხვდეთ, რა გინდათ თქვენ. სწორედ ამაზე იქნება დამოკიდებული, როგორი იქნება თქვენი მომავალი და მე არ შემეძლო ეს არ დამეწერა”,- განაცხადა ავტორმა.