რუსეთის ძალების მიერ უკრაინის ქალაქ ზაპოროჟიეს დაბომბვას მსხვერპლი მოჰყვა


  • რუსეთის საოკუპაციო ძალების მიერ უკრაინის ქალაქ ზაპოროჟიეს დაბომბვას მსხვერპლი მოჰყვა. უკრაინული მედიის ინფორმაციით, რუსმა სამხედროებმა იერიში მიიტანეს საცხოვრებელ რაიონზე. დაბომბვის შედეგად კომერციული საწარმოს ორსართულიანი შენობა დაინგრა.

უკრაინის არმიის გენშტაბის ინფორმაციით, რუსეთის საოკუპაციო ძალები უკრაინელი სამხედროების პოზიციებს ოთხ ოლქში დაესხნენ თავს.

უკრაინის არმიამ მოწინააღმდეგის შეტევა ხარკოვის, ლუგანსკის, დონეცკის და ზაპოროჟიეს ოლქებში მოიგერია.

გასული დღის განმავლობაში უკრაინის შეიარაღებულმა ძალებმა რუსეთის არმიის სამეთაურო პუნქტი, ცოცხალი ძალის კონცენტრაციის შვიდი ზონა, საბრძოლო მასალის საცავი და ოკუპანტების სამი სხვა მნიშვნელოვანი სამხედრო ობიექტი დაბომბა.

უკრაინის თავდაცვის ძალების ავიაციამ რუსეთის არმიის წინააღმდეგ შვიდი იერიში განახორციელა.

წყარო


კომენტარის დატოვება

თქვენი ელფოსტის მისამართი გამოქვეყნებული არ იყო.

This site uses Akismet to reduce spam. Learn how your comment data is processed.