როგორი იქნება მსოფლიოში ყველაზე მაღალი ხის ცათამბრჯენი, რომელიც სიდნეიში აშენდება

  • სიდნეიში რამდენიმე წელიწადში მსოფლიოში ყველაზე მაღალი ხის ჰიბრიდული ცათამბრჯენი აშენდება. CNN-ის ინფორმაციით, ცათამბჯენში ტექნოლოგიური კომპანიის Atlassian-ის ოფისი განთავსდება.

ცათამბრჯენის აშენების იდეა და დიზაინი BVN design studio-სა და SHop  aRchitects-ს ეკუთვნით.

როგორც ცნობილია, ცათამბრჯენს სულ 40 სართული ექნება და თითოეულ მათგანზე გამწვანებასა და ეკოლოგიურ გარემოს დიდი ყურადღება მიექცევა. კომპანიის განმარტებით, შენობის ასაშენებლად ისინი მხოლოდ ხეს, მინასა და ფოლადს გამოიყენებენ.

ცათამბრჯენს იმავე ზომის სხვა შენობებისგან განსხვავებით, 50%-ით ნაკლები ენერგია დასჭირდება. ამასთან შენობა ფუნქციონირებისთვის საჭირო ელექტროენერგიის 100%-ს მზის ენერგიის პანელების მეშვეობით მიიღებს.

ცათამბრჯენის მშენებლობა 2025 წელს დასრულდება და მასში მუშაობას ერთდროულად კომპანია Atlassian-ის 4 000-მდე თანამშრომელი შეძლებს.

აღსანიშნავია, რომ დღესდღეობით მსოფლიოში ყველაზე მაღალი ცათამბრჯენი ნორვეგიის ქალაქ ბრუმუნდალში მდებარეობს. შენობის სიმაღლე 85 მეტრია.

წყარო

  •  
  •  

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.