რატომ აღინიშნება ვალენტინობის დღესასწაული?

წლებია, რაც ვალენტინობის დღესასწაული აღინიშნება სრულიად მსოფლიოს მასშტაბით. ეს დღე სიყვარულის დღედ მიიჩნევა. 14 თებერვალს შეყვარებული წყვილები სასიყვარულო ბარათებს, საჩუქრებს, ყვავილებს, ტკბილეულს ჩუქნის ერთმანეთს და ამით თავიანთ გრძნობებს გამოხატავენ.
საზოგადოებაში, როგორც ყოველთვის, ვალენტინობის დღესასწაულთან დაკავშირებით აზრი ორად იყოფა. ერთ ნაწილს მოსწონს ეს დღე, დღესასწაული, როდესაც მათ შეუძლიათ, საკუთარი გრძნობების გამოხატვა და საყვარელი ადამიანის გახარება. მეორე ნაწილი კი მიიჩნევს, რომ სიყვარულის გამოხატვას კონკრეტული დღე არ სჭირდება და მის გასაცემად ყველა დღე “დღესასწაულია”.
სინამდვილეში რა არის ვალენტინობა? რატომ ასოცირდება იგი სიყვარულთან და შეყვარებულ წყვილებთან? საიდან იღებს ეს დღესასწაული სათავეს?
ვალენტინობის დღის აღნიშვნა მეხუთე საუკუნეში, რომში დაიწყო. ეს დღე წმინდა ვალენტინის ხსენების დღე იყო და მას მთელი ქრისტიანული სამყარო აღნიშნავდა.
გადმოცემის მიხედვით, ვალენტინი იყო უბრალო მღვდელი. მას შემდეგ, რაც იმპერატორმა კლავდიუს მეორემ აკრძალა ქორწინება იმ მიზნით, რომ მარტოხელა მამაკაცი, რომელსაც არ ჰყავდა ოჯახი, უფრო უკეთ ემსახურებოდა სამშობლოს, ვალენტინი შეყვარებულ წყვილებს ეხმარებოდა ჩუმად დაქორწინებაში. მალე ეს ამბავი ქალაქში გავრცელდა და მღვდელი დაიჭირეს. სიკვდილის წინ მას ზედამხედველის ქალიშვილი ჩაუვარდა გულში და მისწერა სასიყვარულო ბარათი, რომელიც შემდეგ ვალენტინობის სიმბოლოდ იქცა. 269 წლის 14 თებერვალს წმინდა ვალენტინი სიკვდილით დასაჯეს. მისი წმინდა ნაწილები სხვადასხვა ქვეყნის ეკლესია-მონასტრებში დაკრძალეს.
ძველ რომში 14 თებრვალს აღინიშნებოდა ლუპერკალია – ქალღმერთ იუნონასა და ღმერთ ფავნისადმი მიძღვნილი დღესასწაული. ამ დღეს ღმერთებს მსხვერპლად სწირავდნენ ცხოველებს, რომლთაც ტყავებს აძრობნენ და მათრახებს აკეთებდნენ. ამ მათრახებით შიშველი ახალგაზრდა მამაკაცები ქალებს ცემით მიერეკებოდნენ ქალაქის ქუჩებში. ამ რიტუალით სწამდათ, რომ ქალები უფრო ნაყოფიერნი გახდებოდნენ და ბევრ შვილს გააჩენდნენ. 494 წელს პაპმა გელასიუს პირველმა აკრძალა ამ დღესასწაულის აღნიშვნა და იგი ჩაანაცვლეს წმინდა ვალენტინის დღით.
ამჟამად ვალენტინობას, როგორც საეკლესიო დღესასწაულს, მხოლოდ პროტესტანტები აღნიშნავენ. კათოლიკურ ეკლესიაში 1969 წლის რეფორმის შემდეგ ეს დღესასწაული აღარ აღინიშნება. მართმადიდებლურ ეკლესიაში წმინდანის ხსენების დღე კი 19 ივნისია.
14 თებერვლის რომანტიკულ სიყვარულთან ასოცირებას სათავე ჯეფრი ჩოსერმა დაუდო შუა საუკუნეების მიწურულს.
წყარო

მოგეწონა? - გააზიარე!:

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.