- პარლამენტთან, ამ წუთებში, საპროტესტო აქცია მიმდინარეობს, სადაც არჩევნების შედეგებს აპროტესტებენ. შეკრებილებს საკანონმდებლო ორგანოს ყველა შესასვლელთან “სირცხვილის კორიდორი“ აქვთ მოწყობილი. “მონა, მონა” – ამ შეძახილებისა და ე.წ. სირცხვილის კორიდორის ფონზე შედიან პარლამენტის შენობაში მე-10 მოწვევის პარლამენტის დეპუტატები.
აქციის მონაწილეებმა ყვავილები მიიტანეს და პარლამენტის შესასვლელთან დაყარეს. მათი განმარტებით, ეს არის იმის სიმბოლო, რომ “ქართული ოცნების” დეპუტატებს “უკანასკნელ გზაზე აცილებენ”.
პარლამენტთან მობილიზებულია საპატრულო პოლიცია.
