- დე ფაქტო რესპუბლიკის კულტურის სამინისტროს ინფორმაციით, აფხაზეთში 12 ივლისიდან კულტურული დაწესებულებების საქმიანობა დროებით შეჩერდება.
მუშაობას შეაჩერებენ თეატრები, მუზეუმები, ბიბლიოთეკები, კულტურის ცენტრები, კულტურის სახლები, საკონცერტო და საგამოფენო დარბაზები და ანსამბლები.
დე ფაქტო რესპუბლიკის პრეზიდენტმა ასლან ბჟანიამ მოაწერა ხელი დოკუმენტს, რომლის თანახმადაც, 2021 წლის 5 ივლისიდან აფხაზეთში დახურულ სივრცეში აიკრძალა ქორწილების, საზეიმო, სამგლოვიარო და სხვა ტიპის მასობრივი ღონისძიებების ჩატარება და დაიკეტა დახურულ სივრცეში განთავსებული კვების ობიექტები.