- ნუგზარ მანია ევროპის ჩემპიონია. ზუგდიდელმა ძალოსანმა ატაცში ვერცხლის, აკვრასა და ორჭიდში კი ოქროს მედლები მოიპოვა.
პრიშტინაში მიმდინარე ჭაბუკ ძალოსანთა ევროპის ჩემპიონატზე (U15) საქართველოს ნაკრებიდან 60 კგ წონით კატეგორიაში ნუგზარ მანია ასპარეზობს. ნუგზარ მანიამ ატაცში 95 კგ დაძლია, ვერცხლის მედალი მოიპოვა და ევროპის ვიცე-ჩემპიონი გახდა.
მანიამ აკვრაში 124 კილოგრამით ოქროს მედალი მოიპოვა და ჩემპიონობა იზეიმა. ძალოსანმა ორჭიდში მოგროვილი 219 კილოგრამით კიდევ ერთი ოქროს მედლის მოპოვება შეძლო.