“ნიდერლანდების საელჩოს ტიტა ადამიანის უფლებებისთვის”- მადონა ხარებავა გახდა

• ჯილდოს “ნიდერლანდების საელჩოს ტიტა ადამიანის უფლებებისთვის” წლევანდელი მფლობელი მადონა ხარებავა გახდა.

ქალბატონი მადონა ქალთა გაძლიერებისა და გენდერული ნიშნით ძალადობის აღმოფხვრის ადვოკატირებას ეწევა. ის წლების განმავლობაში იბრძვის სამეგრელოსა და აფხაზეთში შშმ ბავშვთა საზოგადოებაში ინკლუზიისთვის.

ის ადამიანის უფლებათა სამაგალითო აქტივისტია, რომელიც დაუღალავად ებრძვის სტერეოტიპებს და ცდილობს, საზოგადოებაში ყველამ თანაბარი შესაძლებლობები მიიღოს.

ნიდერლანდების ელჩმა, ქალბატონმა მელინე არაკელიანმა ქალბატონი მადონა საელჩოს პრიზით დააჯილდოვა ცერემონიაზე, რომელსაც სხვადასხვა არასამთავრობო, სამთავრობო, საერთაშორისო ორგანიზაციების წარმომადგენლები და სათემო აქტივისტები ესწრებოდნენ.

ინფორმაციას ნიდერლანდების საელჩო საქართველოში ავრცელებს