- ზუგდიდის მუნიციპალიტეტის კახათში მცხოვრები რამაზ ფიფია და ლალი თოდუა მცენარეების მოვლით არიან დაკავებული. ამ ეტაპზე, 400-ზე მეტი სახეობის მცენარე მოამრავლეს. ქალბატონი ლალი “ზუგდიდელებთან” ამბობს, რომ ცოლ-ქმარმა საქმე ბიზნესად ვაქციეთო.
ლალი თოდუა: “47 წელია ცოლ-ქმარი ვართ. გვიყვარს მცენარეები და მათ მოვლას დიდ დროს ვანდომებთ. სასიამოვნოა შენი ლამაზი ეზოს ყურება და უფრო სასიამოვნოა, როცა შენი ნახელავით სხვებიც მოხიბლულები არიან. მომწონს ლამაზი, მოწესრიგებული ეზოები. ვცდილობთ, ჩვენს სახლში ყველაფერი ლამაზად გამოყურებდეს. მოგვიანებით, ჩვენი საქმე ბიზნესად ვაქციეთ. ახლა სხვადასხვა ჯიშის მცენარეებს ვყიდით. ეს ჩვენი დამატებითი შემოსავლის წყაროა.”