დღეს, ზუგდიდის მერიის ეკონომიკური პოლიტიკისა და სერვისების მართვის სამსახურის ყოფილი უფროსის თენგიზ ქობალიას ოჯახის წევრებმა და მეგობრებმა, სუს-ის ადგილობრივ წარმომადგენლობასთან საპროტესტო აქცია გამართეს.
აქციაზე იმყოფებოდა თენგიზ ქობალიას დედა, რომელიც სახელმწიფო უსაფრთხოების სამსახურის ხელმძღვანელთან შეხვედრას ითხოვდა. შეკრებილებს სუსი-ის შენობის წინ საავტომობილო გზაც გადაკეტილი ჰქონდათ. ადგილზე იმყოფებოდა პოლიცია. აქციაზე თენგიზ ქობალიას დედა, აზა ჯოლოგუა რამდენჯერმე გახდა შეუძლოდ. აქცია ამ დროისათვის შეწყვიტეს დაკავებულის ოჯახის წევრებმა. როგორც შეკრებილებმა ჟურნალისტებს უთხრეს, აქციას დროებით წყვეტენ. ” ხვალ-ზეგ ჩვენ უფრო მეტი ვიქნებით. ჩემი შვილი უდანაშაულოა და ის უნდა გაათავისუფლონ“, – უთხრა ჟურნალისტებს თენგიზ ქობალიას დედამ.