- ზუგდიდის მუნიციპალიტეტის სკოლამდელი სააღმზრდელო დაწესებულებათა მართვის ცენტრს დაქვემდებარებულ საბავშვო ბაღებში საშემოდგომო ღონისძიებები და აქტივობები აქტიურ ფაზაშია.
სააღმზრდელო პროცესის ფარგლებში, პატარები წელიწადის ამ დროსთან დაკავშირებულ ბუნებრივ ცვლილებებს იკვლევენ, აკვირდებიან გარემოს და პირველ შემეცნებით გამოცდილებებს იძენენ.
ცენტრის ინფორმაციით, ყველა აქტივობა სკოლამდელი აღზრდის სტანდარტების სრული დაცვით, ასევე მშობლებისა და ადგილობრივი თემის აქტიური ჩართულობით მიმდინარეობს.