- დღეს, საქართველოს უნივერსიტეტის სამეგრელო-ზემო სვანეთის წარმომადგენლობამ ახალგაზრდა პოეტებს, გოჩა ახალაიას, ირაკლი გოგოხიასა და დავით თორდიას უმასპინძლა.
დამწყებმა პოეტებმა საკუთრი შემოქმედებიდან ლექსები პოეზიის მოყვარულებს, წარმომადგენლობაში შეკრებილ სტუმრებს წაუკითხეს. ლექსები წაიკითხეს, აგრეთვე, სტუმრად მოსულმა დებიუტანტმა პოეტებმაც.
მაია ღუბელაძე, საქართველოს უნივერსიტეტის სამეგრელო-ზემო სვანეთის რეგიონული მენეჯერი: “პოეზიის საღამო ძალიან თბილი და საინტერესო გამოვიდა, განწყობა ამინდმაც შეგვიქმნა. ძალიან მიხარია, რომ რეგიონში საინტერესო ახალგაზრდები გვყავს და ჩვენ სივრცეს, უნივერსიტეტის წარმომადგენლობის ოფისის რესურსებს იყენებენ. აქვე გეტყვით, რომ ჩვენი წარმომადგენლობა ყველა მსურველს დაუთმობს ოფისს ამა თუ იმ ღონისძიებების, აქტივობების, შეხვედრების გასამართად”.