- 29 აგვისტო შენი დაბადების დღეა, – 86 წლის გახდებოდი. პატარა ბავშვივით გიხაროდა დაბადების დღის აღნიშვნა. გეპარებოდა წლები, მაგრამ მაინც ამამაყად გამოიყურებოდი.
ძალიან ყურადღებიანი და თბილი შეხვედრა იცოდი, ყველას სიხარული და სიკეთე გიხაროდა. სხვის გულისტკივილს საკუთარივით იზიარებდი.
სამნი იყავით დურგლები, – შენ, ნოდარი ( ტუტუ) თოდუა და ვალიკო ჯალაღონია. სოფელში თქვენი ხელით ბევრი რამ გაკეთებულა, არ არსებობს უბანი, კუთხე, თქვენს სიკეთეს რომ არ აფასებდეს.
სულ 10 დღე ებრძოდი საშინელ ტკივილს, ტანჯვით შეწყდა შენი სიცოცხლე.
შენს ვაჟკაცებს, შენს ერთადერთ ქალიშვილს ღიმილიანი სახით ვერ შეხედავ. შვილიშვილები, რომელიც დიდი სიყვარულით გიყვარდა, ვერ მოეფერები. მაგრამ შენი სახელი არასოდეს არ დაავიწყდება შენს სოფელს, – დიდხანს ემახსოვრები. ის გული, რომელიც თანასოფლელების განუზომელ სიყვარულს იტევდა, არასოდეს დაავიწყდება ხალხს. ღმერთმა ნათელში ამყოფოს შენი ალალი სული, ბატონო დათუშა.
როზა როგავა