30 ივნისს, ზუგდიდის მუნიციპალიტეტის გამგეობის დარბაზში, ფესტივალ ,,არტ კოლხის” მონაწილეების ოფიციალური მიღება და დაჯილდოება გაიმართა. სტუმრებს ზუგდიდის მუნიციპალიტეტის გამგებელმა ედიშერ თოლორაიამ, ქალაქ ზუგდიდის მერმა ირაკლი გოგოხიამ, ზუგდიდის მუნიციპალიტეტის საკრებულოს თავმჯდომარემ ლაშა გოგიამ,
ქალაქ ზუგდიდის მუნიციპალიტეტის საკრებულოს თავმჯდომარემ მერაბ ქვარაიამ და ადგილობრივი თვითმმართველობის სხვა წარმომადგენლებმა უმასპინძლეს.
ფესტივალი 27-29 ივნისს მიმდინარეობდა და მასში საქართველოს, ლიტვის, სომხეთისა და რუსეთის წარმომადგენლები მონაწილეობდნენ.
ფესტივალის გრან-პრის მფლობელი გახდნენ ლიტველები, ქალაქ იონავას ქორეოგრაფიული ანსამბლი “ლადუტა”.
წლევანდელი ფესტივალი საქველმოქმედო ხასიათისაა და შემოსული თანხები 13 ივნისის სტიქიის შედეგად დაზარალებულთა დასახმარებლად შექმნილ ფონდში გადაირიცხება.