- ზუგდიდის N67 საოლქო საარჩევნო კომისიის მიერ მე-11 მაჟორიტარული უბნის გაბათილებული ბიულეტენების გადათვლის შედეგად, გამარჯვებული “ქართული ოცნების” კანდიდატი სოსო გოგოხია გახდება.
გადათვლის შედეგად, მმართველი პარტიის კანდიდატს დაემატა 12 ხმა, “ერთიან ნაციონალურ მოძრაობას” 1, “გახარია – საქართველოსთვის”-1.
პირველადი მონაცემებით, მე-11 უბანზე, „ერთიანი ნაციონალური მოძრაობის” წარმომადგენელმა მანუჩარ ფიფიამ მიიღო 1182 ხმა, ხოლო „ქართული ოცნების“ წარმომადგენელმა 1180 ხმა.
საჩივრით საოლქო კომისიას მმართველი პარტიის წარმომადგენელმა მიმართა.
