„ერთიანი ნაციონალური მოძრაობის” ზუგდიდის მუნიციპალიტეტის მაჟორიტარი დეპუტატობის კანდიდატმა სანდრა რულოვსმა კანდიდატურა მოიხსნა. „მე ზუგდიდის რაიონის სოფელში მოვედი, რამდენიმე ოჯახში, რომ მადლობა მეთქვა ხალხის ნდობისთვის, ჩემი მოპოვებული გამარჯვებისთვის, რომელიც სამწუხაროდ მომპარეს არა მარტო 8 ოქტომბერს, არამედ გუშინაც. ყველამ იცის, რომ პირველ ტურში გავიმარჯვე, ამიტომ შეურაცხყოფად ვთვლი მეორე ტურში მონაწილეობას ამ უსამართლო ე. წ. დემოკრატიული არჩევნების ფონზე. მე ვთვლი, რომ არ უნდა მივიღო მონაწილეობა მეორე ტურში. ჯერ ერთი, მთელ ზუგდიდში ძალიან ცუდი – ქურდული, კრიმინალური და წნეხის პირობებია შექმნილი და არ მინდა, ამ ხალხს კიდევ პრობლემები ჰქონდეს, შეურაცხყოფა მიაყენონ, დასცინონ. მე ვიცი, რომ გამარჯვებული ვარ და აქედან გამომდინარე, ზუგდიდის მცხოვრებლებს პარლამენტიდან ან თუნდაც სხვა ადგილიდან დავუდგები გვერდში – ეს ჩემი ვალდებულებაა”, – განაცხადა რულოვსმა.
რულოვსმა მეორე ტურში მონაწილეობაზე უარი განცხადა
