დღეს, ა.(ა).ი.პ. “ზუგდიდის მუნიციპლიტეტის სკოლამდელ სააღმზრდელო დაწესებულებათა მართვის ცენტრი”-ს დაქვემდებარებაში მყოფ 62-ვე საბავშვო ბაღში 17 სექტემბერს სასწავლო-სააღმზრდელო პროცესი განახლდა.
ა.(ა).ი.პ. ,,ზუგდიდის მუნიციპლიტეტის სკოლამდელ სააღმზრდელო დაწესებულებათა მართვის ცენტრი“-ს ინფორმაციით, ცენტრის დირექტორმა, ხათუნა თოლორაიამ, მისმა მოადგილემ ელისო ჩემიამ და ცენტრის თანამშრომლებმა თითქმის ყველა საბავშვო ბაღი მოინახულეს, სადაც სასწავლო-სააღმზრდელო პროცესის მიმდინარეობის მონიტორინგი განახორციელეს.
პატარა აღსაზრდელებს, ცენტრის დირექტორმა ხათუნა თოლორაიამ ახალი სასწავლო პროცესი მიულოცა: „მინდა ყველა პატარას და მათ აღმზრდელებს მივულოცო ახალი სასწავლო წლის დაწყება და ვუსურვო წარმატებები. ჩვენი ცენტრის უმნიშვნელოვანეს პრიორიტეტად რჩება საბავშვო ბაღების მოწესრიგება, პატარებისთვის სათანადო პირობების გაუმჯობესება და ხარისხიანი განათლების მიღება”.-განაცხადა ხათუნა თოლორაიამ.